Ubushinjacyaha bukomeje gukurikirana Abapolisi bakekwaho gukora ‘IYICARUBOZO’

Uturutse ibumoso: Nirere Madeleine uyobora Komisiyo y’Uburenganzira bwa Muntu, Ngendahayo Mohammed bivugwa ko yakorewe iyicarubozo, n’Umushinjacyaha Mukuru Richard Muhumuza (Ifoto/Ububiko)

Uturutse ibumoso: Nirere Madeleine uyobora Komisiyo y’Uburenganzira bwa Muntu, Ngendahayo Mohammed bivugwa ko yakorewe iyicarubozo, n’Umushinjacyaha Mukuru Richard Muhumuza (Ifoto/Ububiko)

Ubushinjacyaha bukomeje gukurikirana Abapolisi babiri bakoze icyaha cy’Iyicarubozo ndetse no gukubita ku bushake uwitwa Ngendahayo Mohamed.

Urukiko rw’ibanze rwa Nyagatare narwo rwasanze Sgt. Ruhinda Issa alias Sanyu na PC Mutunzi Bosco barakoze ibyo byaha bituma bakatirwa igifungo cy’umwaka umwe.

Umushinjacyaha mukuru yemeje ko aba bapolisi bahise bajurira bituma bakomeza gukurikiranwa bakiri hanze.

Nubwo ariko ubushinjacyaha bwashyize imbaraga muri uru rubanza nyuma ya raporo ya Komisiyo y’Uburenganzira bwa muntu; uwahohotewe ariwe Ngendahayo ntabwo baramenya irengero rye.

Hari amakuru avuga ko ashobora kuba ari Uganda kandi Ubushinjacyaha ngo bwari bumukeneye kugira ngo abufashe gushaka ibindi bimenyetso.

Ntawuzi ko yahunze ku mpamvu z’Umutekano we cyangwa akaba yaragiye gukorera amafaranga hanze y’u Rwanda.

Ikibazo cya Ngendahayo Mohamed cyashyizwe ahagaragara na Komisiyo y’Uburenganzira bwa muntu mu mpera z’umwaka ushize.

Komisiyo yasabye umushinjacyaha mukuru gukurikirana iki kibazo bituma nawe yongeramo ingufu ari nabyo byatumye abaregwa baburanishwa mu rukiko tariki 28 Mutarama 2015.

Mu iburanisha; Abapolisi baregwa n’ubushinjacyaha babwiye urukiko ko atari bo bakubise Ngendahayo Mohamed ko ahubwo bishoboka kuba ari Inkeragutabara ariko Umutangabuhamya ‘wabyiboneye’ wo ku ruhande rw’Ubushinjacyaha yahamije ko abaregwa aribo babikoze ndetse asanga bamutwikisha ikijerekani.

Raporo ya Muganga yo yahamije ko uwakorewe ibikorwa bibabaza umubiri yabonetsweho ibikomere k’ukuboko.

Intandaro yo gutwara abapolisi mu rukiko…

Sgt. Ruhinda Issa alias Sanyu n’abandi ba Polisi yari ayoboye ngo bakoreye iyicarubozo Ngendahayo Mohamed ubwo bamushinjaga kwiba umukiriya wa Hotel ALI TAWAKAL iri mu Karere ka Nyagatare.

Ibi byabaye tariki ya 15 Nyakanga 2012 ubwo Umukiriya w’iyi Hoteli yabwiraga Polisi ko yabuze urwandiko rw’inzira, telefone igendanwa n’amadolari y’Amerika igihumbi n’ijana (1 100 $ US).

Komisiyo y’Uburenganzira bwa muntu mu Rwanda yasanze (muri Raporo yayo) Polisi n’ubushinjacyaha batarahaye uburemere iki kibazo ngo ku buryo Polisi yahanishije Sgt Ruhinda “Ibihano byo mu rwego rw’akazi” .

Kimwe mu bice bigize raporo ya Komisiyo y’Uburenganzira bwa Muntu kirimo aya magambo;

“Komisiyo yakurikiranye iyo dosiye mu Bushinjacyaha bwa Nyagatare isanga ku wa 16 Nyakanga 2013 harakozwe inyandikomvugo ikubiyemo ikirego, Sgt RUHINDA Issa alias Sanya na PC MUTUNZI Bosco baregwa kuba bari kuri Poste ya Polisi Kagitumba barakoreye iyicarubozo uwitwa NGENDAHAYO Mohamed ubwo bamutwikishaga ijerikani bamukekaho kwiba amadorari igihumbi n’ijana, urwandiko rw’inzira na telefone no kuba barakoresheje inkoni bakubita ku bushake babaza NGENDAHAYO Mohamed.”

Igitabo cy’amategeko ahana y’U Rwanda (Itegeko Ngenga n° 01/2012/OL ryo ku wa 2 Gicurasi 2012), Ingingo y’177 iteganya ibihano ku wahamwe n’icyaha cy’Iyicarubozo…

“Iyo iryo yicarubozo riteye urikorewe indwara idakira, ubumuga buhoraho butuma ntacyo akora, kubuza burundu umwanya w’umubiri gukora no gutakaza igice cy’umubiri gikomeye, igihano kiba igifungo kirenze imyaka itanu (5) kugeza ku myaka irindwi (7).

Iyo iryo yicarubozo riteye uwarikorewe urupfu, igihano kiba igifungo cya burundu cy’umwihariko.

Iyo ibyaha biteganyijwe mu gika cya mbere n’icya kabiri by’iyi ngingo bikozwe n’Umugenzacyaha cyangwa Umushinjacyaha cyangwa undi mukozi wo mu nzego z’umutekano cyangwa umukozi wa Leta uwo ari we wese, ubikoze ahanishwa igihano ntarengwa giteganyijwe.”

Hari amakuru yemeza ko Sgt. Ruhinda Issa agikora imirimo ya Polisi nubwo atagikorera aho ‘yakoreye icyaha’ naho PC Habimana ngo ntakigaragara Nyagatare.

Source: http://www.izuba-rirashe.com

About Rwanda news

I hate injustice!

Posted on 22/04/2015, in Politics. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: